ఏప్రిల్ 1, 2025 నుంచి దేశంలో కొత్త ఆర్థిక సంవత్సరం ప్రారంభం కానుంది. ఈ నేపథ్యంలో ప్రతి ఉద్యోగి, వ్యాపారి, ఆదాయపు పన్ను చెల్లించే ప్రతి ఒక్కరూ కొత్త పన్ను మార్పులను తెలుసుకోవాలి. ముందుగానే సమాచారం తెలుసుకుంటే ఆర్థిక ప్రణాళికలు సులభంగా చేసుకోవచ్చు.
ఇక 2025-26 ఆర్థిక సంవత్సరంలో కొన్ని కీలక మార్పులు అమలులోకి రానున్నాయి. ముఖ్యంగా ఆదాయపు పన్ను (Income Tax) స్లాబ్స్, యూనిఫైడ్ పెన్షన్ స్కీమ్ (UPS), UPI భద్రత, GST నియమాలు, TDS విధానంలో మార్పులు ఉన్నాయి. ఇవి ఉద్యోగులు, వ్యాపారులు, ఉద్యోగరితిరికే దగ్గరపడే ప్రతి ఒక్కరికీ ఉపయోగపడతాయి.
కొత్త ఆదాయపు పన్ను స్లాబ్స్ (New Income Tax Slabs)
2025 ఏప్రిల్ 1 నుంచి కొత్త ఆదాయపు పన్ను స్లాబ్స్ అమల్లోకి రానున్నాయి. కేంద్ర ఆర్థిక మంత్రి నిర్మలా సీతారామన్ బడ్జెట్ ప్రసంగంలో ఈ మార్పులను ప్రకటించారు.
12 లక్షల రూపాయల వరకు ఆదాయం ఉన్నవారు పన్ను చెల్లించాల్సిన అవసరం లేదు.
జీతం పొందే వారికి రూ. 75,000 వరకు స్టాండర్డ్ డిడక్షన్ అందుబాటులో ఉంటుంది.
12,75,000 రూపాయల వరకు జీతం పొందే వారు పన్ను చెల్లించకుండా ఉండే అవకాశం ఉంది.
కొత్త పన్ను స్లాబ్స్ ఇలా ఉన్నాయి:
₹0 – ₹4 లక్షలు → పన్ను లేదు
₹4 లక్షలు – ₹8 లక్షలు → 5%
₹8 లక్షలు – ₹12 లక్షలు → 10%
₹12 లక్షలు – ₹16 లక్షలు → 15%
₹16 లక్షలు – ₹20 లక్షలు → 20%
₹20 లక్షలు – ₹24 లక్షలు → 25%
₹24 లక్షలు పైగా → 30%
ఈ మార్పుల వల్ల మధ్య తరగతి ఉద్యోగులకు తక్కువ పన్ను భారం పడనుంది.
యూనిఫైడ్ పెన్షన్ స్కీమ్ (Unified Pension Scheme – UPS)
భారత ప్రభుత్వం 2024లో UPSను ప్రకటించింది. ఇది 2025 ఏప్రిల్ 1 నుంచి అమలులోకి రానుంది.
1. కేంద్ర ప్రభుత్వ ఉద్యోగులకు ఈ స్కీమ్ ద్వారా ప్రయోజనం లభిస్తుంది.
2. 25 సంవత్సరాల సర్వీసు చేసిన ఉద్యోగులకు చివరి 12 నెలల ప్రాథమిక జీతం ఆధారంగా 50% పెన్షన్ అందుతుంది.
3. రిటైర్మెంట్ తర్వాత ఆర్థిక భద్రత కోసం మంచి ఆప్షన్.
UPI భద్రత మార్పులు
UPI లావాదేవీలు మరింత సురక్షితంగా మారబోతున్నాయి. 2025 ఏప్రిల్ 1 నుంచి నేషనల్ పేమెంట్స్ కార్పొరేషన్ ఆఫ్ ఇండియా (NPCI) కొన్ని కొత్త భద్రతా మార్గదర్శకాలను ప్రవేశపెడుతోంది.
యాక్టివ్ మొబైల్ నంబర్ లేకపోతే UPI సేవలు నిలిపివేయబడతాయి.
UPI లావాదేవీలకు బహుళ-స్థాయి ధృవీకరణ (Multi-factor authentication) ప్రవేశపెడతారు.
అయితే, వినియోగదారులకు సులభంగా లావాదేవీలు చేసుకునేలా కొన్ని సౌలభ్యాలు కూడా అందిస్తారు.
GST, E-Way బిల్లుల మార్పులు
2025-26 ఆర్థిక సంవత్సరంలో GST విధానంలో కొన్ని కీలక మార్పులు రాబోతున్నాయి.
GST పోర్టల్‌లో లాగిన్ చేయడానికి మల్టీ-ఫ్యాక్టర్ ఆథెంటికేషన్ (MFA) తప్పనిసరి.
E-Way బిల్లులు (EWB) రూపొందించేందుకు 180 రోజుల్లోపు ఆధారపు డాక్యుమెంట్లు సమర్పించాలి.
GST-7లో TDS ఫైల్ చేసే వారు ప్రతినెలా ఫైల్ చేయకపోతే భారీ జరిమానాలు విధించబడతాయి.
బయోమెట్రిక్ ధృవీకరణ
GST నమోదు ప్రక్రియను మరింత పారదర్శకంగా చేయడానికి ప్రొమోటర్లు, డైరెక్టర్లు ఇకపై GST సువిధా కేంద్రాల్లో బయోమెట్రిక్ ధృవీకరణ పూర్తి చేయాలి.
ఇది పన్ను ఎగవేతలను తగ్గించి, నిబంధనలు మరింత కట్టుదిట్టం చేయడంలో సహాయపడుతుంది.
ఈ మార్పుల ప్రభావం ఏంటంటే?
మధ్య తరగతి ఉద్యోగులకు పన్ను భారం తగ్గనుంది.
వ్యాపారస్తులకు GST మార్పులు మరింత స్పష్టతను తీసుకురాబోతున్నాయి.
UPI వినియోగదారులు భద్రతా ప్రమాణాలను పాటించాలి.
TDS, GST ఫైళ్లను క్రమం తప్పకుండా సమర్పించాలి.
ఇకపై మీ ఆదాయ పన్ను ప్రణాళికలను వీటి ప్రకారం మార్చుకుని, మనీ సేవ్ చేసుకోండి!